Entitateen izen-ematea
Otsailaren 12an, 15:30ean, 2025eko ediziorako prestatutako ekimenen aurkezpena egingo da udaletxean, erakunde lasarteoriatar laguntzaileekin batera. Ahalik eta deialdi zabalena egin nahiko genuke. Norbanakoek, elkarteek, eragileek… Denek dute zer esana eta zer egina aktibazioan. Hizkuntza ohiturak aldatzeak eragin biderkatzaile handia izan dezakeela uste dugu. Euskaraldia baliatu behar dugu harreman berriak sortzeko.
Norbanakoen izen-ematea
Badator Euskaraldia!
Martxoaren 15etik aurrera banakako izen-ematea hasiko da!
Zu zer izango zara, belarriprest ala ahobizi?
Gogoratu rolek ez dutela euskara mailarekin zerikusirik, jokaerarekin baizik!
Euskaraz ulertzen duten guztiekin euskaraz egingo du. Euskaraz ulertzen ote duten ez dakienean lehen hitza, beti, euskaraz izango da; euskaraz ulertzen badu, euskaraz jarraituko du. Gakoa ahal den guztietan euskaraz egitea da.
Ulertzen duten guztiekin uneoro euskaraz hitz egingo ez dutenak belarriprest dira. Gutxienekoa euskara ulertzea da. Hala ere, nahi eta ahal beste egin dezake euskaraz; baina besteek euskaraz egin diezaioten eskatuko du. Gakoa jokaeran dago eta ez gaitasunean.